यूएईमा ठूलो संख्यामा नेपाली कामदार अलपत्र उद्दारमा ढिला सुस्ती

योगेन्द्र योगी २३ असार,यूएई – कोरोनाको कारण कम्पनी बन्द भएपछि यूएईमा ठूलो संख्यामा नेपाली कामदार अलपत्र परेका छन् । यूएईको अबुधाबीमा रहेको ट्रान्सगार्ड ग्रुप कम्पनीमा कार्यरत बिभिन्न क्याम्पमा गरि २० देखि २५ हजार भन्दा बडी नेपाली काम बिहीन भएर अलपत्र अवस्थामा रहेको काभ्रेका जयराम नेपालले जानकारी दिएका छन् ।

उनका अनुसार उनी बसेका क्याम्पमा मात्र ५ सय देखि २ हजार ५ सय नेपालीहरु विगत चार महिना देखि काम बिहीन भएर बसेका छन् भने अन्य क्याम्पमा बसेका नेपालीहरुको पनि समस्या उस्तै रहेको छ ।

अहिले ती कामदारहरु मध्ये ७० प्रतिशतले मात्र काम पाएका छन् भने बाँकी ३० प्रतिसत काम बिहिन भएर चार महिनादेखि कोठामै बस्न बाध्य छन् । ‘कम्पनीले अहिलेसम्म बिहान बेलुकी दुई छाक खान दिएको तर अब कम्पनीले हामी पाल्न नसक्ने भनेपछि आफूहरु थप समस्या परेका छौँ’ –जयराम भने । अन्य देशको विमानस्थल खुल्दा नेपालको विमानस्थल नखुल्नु हाम्रो गल्ती हैन भन्दै कम्पनी पन्छिन थालेको उनले बताए ।

उनले भने कम्पनीको भनाई अनुसार अन्य मुलुकका नागरिक हरुलाइ कहिले आफैँ फ्लाइट चार्टर गरेर त कैले रेगुलर फ्लाइटमा आफ्नो मुलुक पठाईसके जुन हामीले देखिरहेका छाैँ ।

उनले स्वदेश जानका लागि यूएईस्थित नेपाली दूतावासले उपलब्ध गराएको फाराम भरेकामध्ये ५०/६० जनाको मात्र नाम आएको बताए । उनले भने–कतिपयले यूएईस्थित नेपाली दूतावासले उपलब्ध गराएको अनलाइन फारम भरेको र ती मध्येबाट ५०/६० जनाको नाम आएको छ । अब के बाँकी अलपत्र परेकोहरु घर जान नपाउने त ?

यो समस्या पटक पटक दूतावासमा राख्दा पनि गुनासो पनि नसुनेको उनले बताए । अन्य धेरै नेपाली कामदारले कम्पनीले पठाउँछ भनेर फारम नै नभरेको र कतिपयलाई फारम भर्ने बारे कुनै पनि जानकारी नभएकोले अवस्था झन् जटिल बनेको उनी सुनाउँछन् । उनी भन्छन् –यहाँ कम्पनीले हामी आफैँ विमान चार्टर गरेर नेपाल पठाइ दिन्छाैँ भन्छ, दूतावासले अनुमती दिदैन । कम्पनीले यहि जुलाई १५ तारिखसम्ममा कि टिकट काटेर ल्याऊ होइन भने अन्य काम खोजेर अफर लेटर ल्याऊ अब हामी पाल्न सक्दैनौ भनेको पनि आज ५ दिन भयो ।

दूतावासको लिस्टमा नाम आउनेहरुलाई पनि कम्पनीले टिकट उपलब्ध गराएको छैन । अपिसमा गएर सोध्यो भने तिमीहरु आफैँ टिकट काटेर आउ हैन भने पर्ख भन्ने गरेको उनीहरु बताउँछन् । ‘न कम्पनीले आफैँ पठाउँछौँ भन्छ नत आफुहरुसँग पैसा नै छ’- उनीहरुको गुनासो छ ।

आफूहरुको समस्या नेपाल सरकार,नेपाली दूतावास लगायत सम्बन्धित निकायसम्म पुर्याइ दिन विभिन्न संचार माध्यमलाई अनुरोध गरेको उनले बताए । यता यस बिषयमा यूएईमा रहेको नेपाली दूतावासमा बुझन खोज्दा सम्पर्क हुन सकेन।फ्लाइट उद्दार उडान भएको १६ दिन बितिसक्दा एक जना नेपाली पनि ट्रान्सगर्ड ग्रुप कम्पनीबाट स्वदेश फर्कन सकेका छैनन् । ट्रान्सगार्ड यूएईको सबै भन्दा ठूलो सप्लाई कम्पनी हो ।

प्रकाशित मिति July 7, 2020
Loading...