ओली सरकारविरुद्ध चर्कियो आन्दोलन, दुई तिहाइको सरकार ढाल्ने चेतावनी (भिडियोसहित)

काठमाडौं । नेपालका लागि नेपाली अभियानले केपी शर्मा ओली नेतृत्वको वर्तमान सरकारविरुद्ध आन्दोलन चर्काएको छ । अभिनेत्री रेखा थापा, अधिवक्ता डा. सुरेन्द्र भण्डारी, डा सुरेन्द्र केसी, अनिल योगी लगायत आवद्ध समूहले ओली सरकार संगठित भ्रष्टाचारमा रुमल्लिएको आरोप लगाउँदै आन्दोलन चर्काउँदै लगेका छन् ।

पछिल्लो समय यो समूहले प्रत्येक शनिबार काठमाडौंमा शान्तिपूर्ण प्रदर्शन गर्दै आएका छन् । प्रदर्शनमा सरकारविरुद्ध चर्का नारावाजी हुने गरेको छ । उनीहरुले ‘देश बेच्न पाइँदैन उखान टुक्का चाहिँदैन, बालुवाटार बेच्न पाइँदैन एनसेलको कर तुरुन्त असुल गर, विदेशीलाई नागरिकता बेच्न पाइँदैन’ जस्ता नारा लगाएका थिए ।वाइडबडी, मेलम्ची खानेपानी आयोजना बालुवाटारको जग्गा बिक्री प्रकरणले ओली सरकारको भ्रष्टाचार उदांगो भएको अधिबक्ता डा. सुरेन्द्र भण्डारी बताउँछन् । सदनमा समेत प्रधानमन्त्री ओलीले असभ्य भाषा बोलेको र सभामुखले ति शब्द संसदको रेकर्डबाट हटाउन लागेको सन्दर्भ कोट्याउँदै उनले भने संसदमा जथाभावी बोल्ने ? थोरै पनि नैतिकता छ भने राजीनामा दिनुस् ।

प्रधानमन्त्री ओली काम भन्दा गफमा रमाइरहेको उनको भनाइ छ । शनिबार ललितपुरको लगनखेलबाट जावलाखेलसम्म पुगेको र्यालीमा अभियानका अभियान्ता अनिल योगीले नेकपा नेतृत्वको वर्तमान सरकार नसच्चिए जनताले सडक आन्दोलनबाटै नागरिक सरकार गठन गर्ने चेतावनी दिए ।उनले छिटै राष्ट्रिय नागरिक आयोग गठन गरेर सरकारविरुद्ध दबाव बढाउने बताए । अर्का अभियान्ता ज्ञानेन्द्र शाहीले वर्तमान संघीयता प्रणाली नै खारेज हुनुपर्ने बताए । उनले संघीयताले राज्यको ढुकुटी मात्रै सक्काउँदै लगेको र तह तहमा भ्रष्टाचार मौलाएको दाबी गरे । ‘तलदेखि माथिसम्म भ्रष्टाचार मौलाएको छ, संघीयता यो देशलाई आवश्यक छैन’, उनले भने ।

प्रकाशित मिति May 13, 2019
Loading...