खुसिको खबर,प्रहरीले पक्राउ गरेका रविका समर्थकहरु पनि रिहा

चितवन – : पत्रकार शालिकराम पुडासैनी मृत्यु प्रकरणको अनुसन्धानका लागि पक्राउ परेका रवि लामिछानेका समर्थकहरु पनि रिहा भएका छन् ।कार्यक्रम प्रस्तोता रवि लामिछानेसहितका तीन जनाको पक्राउको विरोधमा भएको प्रदर्शनका क्रममा पक्राउ परेकाहरुलाई मंगलबार छाडिएको हो । सो क्रममा सोमबारसम्म ४८ जना पक्राउ परेका थिए ।

पत्रकार शालिकराम पुडासैनी मृत्यु प्रकरणमा पक्राउ परेका लामिछाने र युवराज कँडेल धराैटीमा तथा रुकु भनिने अस्मिता कार्की सोमबार साधारण तारेखमा रिहा भइसकेका छन् ।घटनाको अनुसन्धानका लागि नियन्त्रमा लिएर मुद्दाको प्रतिवादी बनाइएकाहरुलाई अदालतले धराैट तथा तारेखमा रिहा गर्न आदेश जारी गरिसकेपछि प्रदर्शनकारीहरुलाई पनि रिका गरिएको प्रहरीले जनाएको छ’ ।

जिल्ला प्रहरी कार्यालय चितवनका प्रहरी नायब उपरीक्षक एकनारायण कोइरालाका अनुसार म‌ंगलबार बिहानदेखि आफन्तको जिम्मामा उनीहरुलाई छाड्न शुरु गरिएको हो ।यसैबीच पत्रकार पुडासैनी मृत्यु प्रकरणमा धरौटीमा रिहा  भएका टेलिभिजन कार्यक्रम प्रस्तोता रवि लामिछानेले मंगलबार यहाँ पत्रकार सम्मेलन गरी अदालतको आदेश शिरोधार्य गर्दै अगाडि बढ्ने बताएका छन् ‘।

सो मुद्दाको थुनछेक बहसका क्रममा सोमबार लामिछानेलाई रु पाँच लाख, युवराज कँडेललाई रु तीन लाख र अस्मिता भनिने रुकु कार्कीलाई शुद्ध तारेखमा अदालतले छाडेको थियो । उनीहरुको आगामी असोज ५ गते तारेख तोकिएको छ ‘।

प्रकाशित मिति August 27, 2019
Loading...