खुसिको खबर लमजुङमा बन्ने भो अन्तर्राष्ट्रिय स्तरको “फिल्म सिटी” ! आखिर के हो त ?

काठमाडौं-:  ऐतिहासिक स्थल लमजुङमा ‘वर्ल्ड स्काई सिने भिलेन नेपाल’ नामक फिल्म सिटी निर्माण हुने भएको छ । निर्माणका लागि बुधबार सूचना तथा सञ्चार मन्त्रालयको सभाकक्षमा नेपालको तर्फबाट स्काई इन्टरटेन्मेन्ट इन्भेस्टमेन्ट प्रा.लि. र इटालियन कम्पनी वल्र्ड एरिया होल्डिङ कम्पनीबीच सहमती पत्रमा हस्ताक्षर भएको छ ‘।

नेपालको पहिलो, ठूलो र अन्तर्राष्ट्रिय स्तरको उक्त फिल्म सिटीका लागि अनुमानित ५ अर्ब ९० करोड लाग्ने स्काई इन्टरटेन्मेन्ट इन्भेस्टमेन्टका अध्यक्ष आकाश अधिकारीले जानकारी दिए । फिल्म सिटीको डिपिआरको काम छिट्टै हुनेछ । ५ देखि ७ वर्षमा फिल्म सिटी निर्माण पूरा हुने अनुमान गरिएको छ ‘।

लमजुङको बेसीसहर नगरपालिकाको वडा नं. ३, ४, ५ र ९ को ५ हजार रोपनीमा फिल्म सिटी निर्माण हुन भएको हो । उक्त फिल्म सिटी संसारकै सबैभन्दा अग्लो ठाउँको फिल्म सिटी पनि हुनेछ ‘।

समुद्रीसतह भन्दा २०६० देखि २९०० मिटरसम्म उचाईमा यो फिल्म सिटी निर्माण हुन लागेको हो । केही दिन अगाडि चलचित्र बिकास बोर्डको कार्यक्रममा सञ्चार तथा सुचना प्रविधिमन्त्री गोकुल बास्कोटाले फिल्म सिटीको कार्यक्रम जानकारी दिएका थिए ‘।

लमजुङमा बन्ने फिल्म सिटीमा बलिउड वा हलिउड कुनै पनि फिल्म पूरा गर्न सक्ने परिकल्पना निर्माण कम्पनीले गरेको छ ।  कार्यक्रममा मन्त्री गोकुलप्रसाद बाँस्कोटाले लमजुङमा बन्ने अन्तर्राष्ट्रिय स्तरको फिल्म सिटी नेपाली फिल्म क्षेत्रका लागि एउटा कोशेढुंगा सावित हुने विश्वास व्यक्त गरे । रातोपाटी मा लेखिएको छ!

प्रकाशित मिति July 4, 2019
Loading...