ओलीको घोषणा :मलाई गिज्याउनेहरु हेरी राख  भारतसँग सेटिङ गरेरै कालापानी–लिपुलेक र लिम्पियाधुरा फिर्ता ल्याउँछु

काठमाडौं, माघ ४ -: प्रधानमन्त्री केपी शर्मा ओलीले भारतसँग सेटङ गरेरै लामो समयदेखि अतिक्रमित नेपाली भूमि कालापानी, लिपुलक र लिम्पियाधुरा फिर्ता ल्याएरै छाडने घोषणा गर्नुभएको छ । नेकपाबाट अलग भएको पुष्पकमल दाहाल, प्रचण्ड र माधवकुमार नेपालको समुहले सेटिङ गरेर भारतीय न्यूज च्यानललाई अन्तर्वार्ता दिएको आरोप लगाएको प्रसंग कोट्याउँदै प्रधानमन्त्री ओलीले यस्तो घोषणा गर्नुभएको हो’ ।

जिटीभिले मलाई अति नै खेदिराखेको थियो, पछि बास्तविकता बुझेछ, माफी माग्यो, धेरै पहिलादेखि अन्तवार्ता लिन खोजेको थियो, माफी नै मागिसकेपछि समय मिलाए, त्यहाँ देशको हितमा कँहीकतै डगमगाएको छैन, तर साथीहरु सेटिङ गरेर अन्तर्वार्ता गरायो भन्दै कराउन थाले,’ प्रधानमन्त्री ओलीले भन्नुभयो,अव भारतसँग कुरा गरेर सहमत गराएर सेटिङ गरेरै अतिक्रमित भूमी कालापानी, लिपुलेक र लिम्पियाधुरा फिर्ता ल्याउँछु, देशको हितमा, नेपाली जनताको हितमा भारतसँग यस्तो सेटिङ गर्नैपर्छ, गरिरहन्छु’ ।

अनेमसंघको बैठकमा बोल्दै प्रधानमन्त्री ओलीले प्रचण्ड र माधव नेपालमा देशहितमा कुरा गर्ने ल्याकत नभएको मात्रै होइन, सोच्दा पनि नसोच्ने गरेको तथ्य पनि राख्नुभयो’।

सबै मान्छे ओलीतिर पठाएर वामदेवले एकताकाे भ्रम छर्ने ? : माधव नेपाल

बाँके। नेपाल कम्युनिष्ट पार्टी (नेकपा) प्रचण्ड–नेपाल समूहका अध्यक्ष माधवकुमार नेपालले पार्टी उपाध्यक्ष वामदेव गौतमले एकता अभियानको नाममा भ्रम फिँजाएको बताएका छन्’।

नेपालगञ्जमा आइतबार आयोजित कार्यकर्ता भेला तथा प्रशिक्षणमा अध्यक्ष नेपालले उपाध्यक्ष गौतमले आफू नजिकका व्यक्तिलाई ओलीतिर लगाएर एकताको भ्रम छर्न खोजेको आरोप लागएका हुन्।

नेपालले प्रधानमन्त्री ओलीले आफूलाई सत्तामा पुग्नका लागि पार्टी एकतालाई सिँढीको रूपमा मात्रै प्रयोग गरेको टिप्पणी गरे। अध्यक्ष नेपालले ओली तानाशाही बन्न खोजेको आरोप लगाए। नेपालले विगतमा आफू र झलनाथ खनाल प्रधानमन्त्री हुँदा सामान्य समस्या आउँदा राजीनामा दिएको स्मरण गर्दै अहिले ओलीले पार्टीमा बहुमत गुमाएको अवस्थामा राजीनामा दिनु नै उत्तम हुने बताए’।

नेपालले प्रधानमन्त्री केपी ओलीबाट मुलुक जोगाउन अपील गरेका छन्।नेता नेपालले ओली तनाशाह भन्दै उनीबाट जोगिनु पर्ने बताएका हुन्’।ओलीलाई विश्वंशकारी भन्दै नेपालले ओलीले बालुवाटार छाड्ने बेलामा ध्वस्त पार्न सक्ने बताए। नेपालले भने हामीले यस्तो विध्वंशकारी मान्छे पाएको छौं, केपी ओलीले बालुवाटार छाड्ने बेलासम्ममा मुलुक ध्वस्त पार्न बेर छैन।

प्रकाशित मिति January 17, 2021
Loading...